Dopıng daýyna ilikken sportshylarmen psıholog jumys isteı me

NUR-SULTAN. QazAqparat - Dopıng daýyna ilikken sportshylarmen psıholog jumys isteı me. Bul saýalǵa búgin QR Mádenıet jáne sport mınıstrligi Sport jáne dene shynyqtyrý isteri komıtetiniń tóraǵasy Serik Sápıev jaýap berdi, dep habarlaıdy QazAqparat tilshisi.

«Meniń biliýimshe, olarmen eshqandaı jumys júrgizilmeıdi. Olar qatelikke boı aldyrǵandyǵyn túsinedi. Sportshy dopıng daýyna iligip jazalanǵannan keıin qaıtadan dopıng qoldanǵany týraly derekter esimde joq. Sportshylar eger mundaı jaıt qaıtadan oryn alatyn bolsa ómir boıyna sporttan shettetiletindigin túsinedi», - dedi ol.

Onyń atap ótýinshe, elimizdiń ulttyq quramasynda sportshylardy psıhologııalyq turǵyda daıyndaıtyn arnaıy psıhologtar jumys isteıdi.

«Alaıda, meniń bilýimshe, ol dopıng qabyldaǵannan keıin nemese qandaı da bir jaıt oryn alǵan soń onymen psıhologııalyq jumys júrgizilmeıdi. Jarysqa daıyndyq protsesi boıynsha ǵana jumys júrgiziledi», - dedi komıtet basshysy.

Serik Sapıev qazirgi ýaqytta sportshylardyń daıyndyq deńgeıiniń aıtarlyqtaı ósip, olardyń tehnıkalyq jáne taktıkalyq sheberlikteri shyńdala túskendigin atap ótti.