Dopıng daýyna ilikken qazaqstandyq bıatlonshylar jarysty 11-orynmen aıaqtady
ASTANA. QazAQparat - Avstrııada ótip jatqan álem chempıonatynda dopıng daýyna ilikken qazaqstandyq bıatlonshylar jarysty 11-orynmen aıaqtady, dep habarlaıdy QazAqparat tilshisi.
Aralas estafetadan (2h6 shaqyrym áıelder+2h7,5 shaqyrym erler) qazaqstandyq kvartet márege 11-shi bolyp jetti. Estafetada Qazaqstannyń namysyn Olga Poltoranına, Anna Kıstanova, Maksım Braýn jáne ıAn Savıtskıı qorǵady.
Bul synda bas júldeni nemis sportshylary qanjyǵasyna baılasa, kúmis júlde frantsııalyq sportshylardyń enshisinde. Al úzdik úshtikti Reseı sportshylary túıindedi.
Esterińizge sala keteıik, keshe Hohfıltsende avstrııalyq polıtsııa bıatlonnan Qazaqstan quramasy turyp jatqan jerdi tintip, kóptegen medıtsınalyq qurylǵylar men tyıym salynǵan farmakologııalyq dári-dármekter tabylyp, tárkilenip, derek boıynsha tergeý jumystary bastalǵanyn habarlaǵan bolatynbyz . Qazirgi ýaqytta tabylǵan dári-dármekter Avstrııanyń dopıngke qarsy ulttyq agenttigine jiberildi.
