Dopıng daýyna ilikken Arman Ospanov saıysqa qaıta shyǵady
ASTANA. QazAqparat - Osyǵan deıin dopıng daýyna ilikken Arman Ospanov 20 mamyr kúni saıysqa shyǵatyn boldy, dep habarlaıdy QazAqparat tilshisi.
Ol Sankt-Peterbýrg (Reseı) qalasynda ASV 61 týrnırinde 65 kg salmaq dárejesinde Abdýrahman Temırovqa qarsy kezdesý ótkizbek.
Qarsylasy Abdýrahman Temırov 10 jasynan bastap erkin kúrespen aınalysqan ASV uıymynyń sportshysy. Aralas jekpe-jektegi kásibı rekordy - 9 jeńis, 2 jeńilis. Sońǵy kezdesýde 2016 jyldyń tamyz aıynda Mýhamed Kokovpen kúsh synasyp, jeńilip qalǵan.
Al otandasymyz Arman Ospanov 25 aqpan kúni amerıkalyq WSOF 35 týrnırinde Brıýs Mıtchellge qarsy, 18 naýryzda Stıven Rodrıgeske qarsy kezdesý ótkizý kerek bolatyn. Biraq eki jekpe-jek te ótkizilmeı qaldy. Oǵan basty sebep, dopıng daýy. Ospanov sońǵy jekpe-jegin 2015 jyly 17 qazanda ótkizgen.
