Dońyz etinen jylyna myńdaǵan adamdar kóz jumady eken
ASTANA. QazAqparat - Brıtanııa bıliginiń sarapshylary dońyz eti men odan daıyndalǵan shujyqtan E gepatıti jıi shyǵatynyn jáne ony juqtyrǵan adamdar jyl saıyn myńdap kóz jumady dep dabyl qaǵyp otyr, dep jazady muslim.kz saıty The Daily Mail basylymyna silteme jasap.
Jyl saıyn 65000-ǵa tarta adam jetkilikti deńgeıde termıkalyq óńdeýden ótpegen dońyz etinen ázirlengen taǵam túrlerinen E gepatıtin juqtyratynyn arnaıy júrgizilgen zertteý kórsetti.
Sarapshylar shujyq ónimderiniń 10 paıyzynan baýyr aýrýyn týdyratyn ári aıaǵy aýyr áıelderdi ólimge aparyp soqtyratyn qaýipti vırýs tabylýy múmkin ekenin de joqqa shyǵarmaıdy. Elýdi eńsergen adamdardyń gepatıt vırýsyn juqtyrý qaýpi tipti joǵary. Zertteý nátıjesinde dońyz etiniń 85 paıyzynda gepatıt vırýsy bolatyny anyqtaldy.
