Donor júregi salynǵan birinshi qazaqstandyq N.Nazarbaevqa medıtsına salasynda júrgizgen reformasy úshin alǵys bildirdi
Esterińizge sala keteıik, 2012 jyldyń 8 tamyzynda Qazaqstanda alǵash ret júrek almastyrý operatsııasy jasaldy. Tanymal kardıohırýrg ıÝrıı Pıa bastaǵan elordadaǵy Ulttyq kardıologııa ǵylymı ortalyǵynyń qyzmetkerleri 38 jastaǵy naýqasqa 46 jasar áıel donordyń júregin saldy. Donordyń uly Igor Vorotnıkov anasynyń júregi jáne búıregin alýǵa ruqsat bergennen keıin dárigerler júrekti Jánibek Ospanovqa, al, búırekti taǵy bir naýqasqa salǵan edi.
«Men 100 paıyz Assambleıa adamymen. Qazaq bolyp dúnıe keldim, otany koreı jasady, al orys áıeliniń júregi maǵan ekinshi ómir syılady. Mundaı sheshimdi onyń balalary Igor men Veronıka qabyldady. Endigi ýaqytta olar men jaqyndarym ári týystarym», - dedi ol.
J.Ospanov medıtsına salasyndaǵy reformalardyń arqasynda mundaı kúrdeli operatsııalarǵa qoljetimdilik arta túskendigin basa aıtty. Sonymen birge prezıdenttik «Máńgilik el» ıdeıasy ózgeniń basyna túsken aýyrtpalyqqa beı-jaı qaramaıtyn jańa býynnyń ósýine septigin tıgierine senimdi ekendigin jetkizdi.
«Sońǵy 4 jylda Qazaqstanda mundaı 847 ota jasalsa, onyń 33-i - júrek almastyrý. Búginde men sııaqty adamdar «Ómir tynysy» dep atalatyn qoǵamdyq uıymǵa toptastyq. Biz tolyqqandy adambyz, oqımyz, jumys isteımiz, bala tárbıeleımiz, sportpen aılanysamyz. Tipti Dúnıejúzilik sporttyq transplant oıyndarǵa da qatysqymyz keledi. Bul biz sııaqty adamdarǵa arnalǵan olımpıadalyq oıyndar. Bizdiń armanymyz - «Máńgilik el» patrıottyq aktisiniń qabyldaný qurmetine oraı Qazaqstannyń kók baıraǵyn osy oıyndarda jelbiretý», - dedi J.Ospanov.
«Árıne, ıÝrıı Pıa bizdiń jetekshi kardıohırýrgymyz jáne kardıoortalyǵymyz bul álemde tanymaldyqqa ıe bola túsýde. Bizge mundaı ota jasatý úshin kelip jatady. Bul keremet emes pe... Mine, alymyzda donor júregi salynǵan adam tur. Durys aıtady, ol ekinshi ret dúnıege keldi», - dedi óz kezeginde QR Prezıdenti.
