Donor óńirlerden respýblıkalyq bıýdjetke alynatyn qarajat qanshaǵa qysqarady — UEM jaýaby

ASTANA. KAZINFORM — Ulttyq ekonomıka mınıstriniń birinshi orynbasary Azamat Ámrın Senatta dóńgelek ústelden keıin ótken baspasóz máslıhatynda donor óńirlerden respýblıkalyq bıýdjetke alynatyn qarajat qanshaǵa qysqaratyny týraly pikir bildirdi.

— Donor óńirlerdiń transfert júktemesin qanshaǵa azaıtatynymyz ázirge belgisiz. Bul másele endi ǵana pysyqtalyp jatyr. Sondyqtan ázirge aldyn ala esepter joq. Sáýir aıyna qaraı túpkilikti aqparatty beremiz. Bul quqyqtyq-normatıvtik akt bolǵandyqtan, saıtqa jarııalaımyz. Sol jerden Astanadan, Almatydan, Atyraý oblysynan alynatyn transfertter qanshaǵa azaıatynyn naqty esepteýge bolady, — dedi ol.

Atalǵan ózgeris 2026 jyldan bastap kúshine enbek.

— Transfertter de úsh jyldyq merzimmen esepteledi ǵoı. Sonda 2026, 2027, 2028 jyldardyń bıýdjetinde kórinis tabady. Ol jumysty shashamen bıyl mamyr aıynda bastaımyz. ıAǵnı, sáýir aıynyń aıaǵyna deıin ádistemesin naqtylaımyz da bir aı ishinde qosymsha esepter jasap, mamyr aıynda Astana boıynsha da, Almaty boıynsha da, Atyraý oblysy boıynsha da transfertterdi qalaı alatynymyz aıqyn bolady. Oǵan deıin aldyn ala esep joq, — dedi Azmat Ámrın.

Osyǵan deıin bıýdjetke donor bolyp otyrǵan óńirlerden alatyn transfertter kólemi azaıatyny málim boldy.