Donor óńirler aldaǵy úsh jylda respýblıkalyq bıýdjetke 3,3 trln teńge bóledi

ASTANA. KAZINFORM — Atyraý, Mańǵystaý oblystary men Astana, Almaty qalalary 2026-2028 jyldary respýblıkalyq bıýdjetke qansha aqsha bóletini belgili boldy.

Ulttyq ekonomıka mınıstrligi ázirlegen zań jobasy «Ashyq NQA» portalynda kópshilik talqylaýyna shyǵarylyp otyr.

Talqylaýdan keıin qujat Májilistiń qaraýyna jiberiledi.

2026 jyly respýblıkalyq bıýdjetke transfert bóletin óńirler — Astana men Almaty qalalary, Atyraý oblysy.

Úsh óńirden jalpy somasy 879 mlrd 947 mln 69 myń teńge alý josparlanǵan. Onyń ishinde Atyraý oblysynan — 262 mlrd 404 mln 282 myń teńge, Almaty qalasynan — 491 mlrd 887 mln 502 myń teńge, Astana qalasynan — 125 mlrd 655 mln 826 myń teńge qarastyrylǵan.

2027 jyly da osy úsh óńirden 1 trln 79 mlrd 818 mln 403 myń teńge alý kózdelgen. Onyń ishinde Atyraý oblysynan — 237 mlrd 910 mln 881 myń teńge, Almaty qalasynan — 600 mlrd 946 mln 982 myń teńge, Astana qalasynan — 240 mlrd 960 mln 540 myń teńge qarastyrylǵan.

Al 2028 jyly donor óńirlerdiń qataryna Mańǵystaý oblysy qosylady. 4 óńirden jalpy somasy 1 trln 400 mlrd 607 mln 718 myń teńge alý kózdelgen. Onyń ishinde Atyraý oblysynan — 278 mlrd 969 mln 171 myń teńge, Mańǵystaý oblysynan — 1 mlrd 248 mln 369 myń teńge, Almaty qalasynan — 699 mlrd 746 mln 657 myń teńge, Astana qalasynan — 420 mlrd 643 mln 521 myń teńge alý josparlanǵan.

Al respýblıkalyq bıýdjetten óńirlik bıýdjetterge 2026 jyly 5 trln 137 mlrd 567 mln 833 myń teńge, 2027 jyly 6 trln 357 mlrd 838 mln 886 myń teńge, 2028 jyly 6 trln 796 mlrd 559 mln 470 myń teńge bólý kózdelip otyr.

Aıta keteıik, Úkimettiń boljamy boıynsha 2035 jyly bıýdjet kirisi 66,8 trln teńgege deıin ulǵaıýy múmkin.