«Dóńgelekti bolashaq» teleortalyǵy: QR Prezıdenti TRK Qazaqstandy álemdik aýdıtorııaǵa qalaı kórsetip jatyr

Álemdik jetekshi habar taratýshylar standarttaryna saı jabdyqtalǵan JTS kez kelgen sport arenasyn tolyqqandy tikeleı efır stýdııasyna aınaldyrady. Mundaı keshen negizgi arenalar, rásimder jáne hattamalyq is-sharalardyń kóp kameraly túsirilimin, sondaı-aq ulttyq jáne halyqaralyq telearnalarǵa úzdiksiz sıgnal berýdi qamtamasyz etedi.

Syrttan qaraǵanda bul kádimgi júk kólikteri sııaqty, biraq ishinde monıtorlar, beınemıksherlik pýltter jáne serverlik jabdyqtardyń tyǵyz tory ornalasqan. Mundaǵy keńistiktiń árbir metri bir maqsatqa arnalǵan: efırge kez kelgen sekýndta minsiz keskin shyǵarý.

Kóp kameraly túsirilim, dybys jáne grafıka boıynsha zamanaýı sheshimder men sıgnaldy ıkemdi taratý júıesi Tehnıkalyq jabdyqtaý qyzmetine iri halyqaralyq telekompanııalarmen teń dárejede jumys isteýge múmkindik beredi.

JTS Mercedes-Benz Actros bazasynda ornalasqan. Onyń quramyna 40-60 kVA-ǵa deıingi dızeldi-generatorlyq qondyrǵy, júk jáne qosalqy bólimderi bar bólek tehnıkalyq jabdyqtaý avtomobıli kiredi.

«Bolashaq oıyndary - 2026» úshin bul kıbersport matchtarynan bastap fızıkalyq synaqtarǵa deıingi fıdjıtal oıyndar dınamıkasyn kórermenge jahandyq aýdıtorııaǵa úırenshikti formatta: jaqyndatyp kórsetý, oılastyrylǵan rejıssýra, nusqalyq keskin jáne bólshekterge nazar aýdara jetkizýdi bildiredi.

Ár keshen 12 júıelik kameramen jumys isteýge eseptelgen, bul rette ortasha ólshemdi JTS 6-8 kamerany qamtıdy. Jańa stantsııalar birneshe televızııalyq standartpen jumy isteıdi. Oıyndar 1080p 59.94 formatynda kórsetiledi, al týrnır aıaqtalǵan soń JTS qazaqstandyq telehabar taralymynda qoldanylatyn PAL standartyna qaıta ózgertiledi. Alańdaǵy atmosferany jetkizý úshin 19 mıkrofonǵa deıin qoldanylady, bul translıatsııada stereo effekt pen dybystyń birneshe arna arqyly taralýyn qamtamasyz etýge múmkindik beredi.

2026 jylǵy «Bolashaq oıyndarynyń» túsirilimi – eldiń aýqymdy is-sharalarynyń álemdik standarttar deńgeıinde aqparattyq jarııalanýyn qamtamasyz etý, Qazaqstannyń zamanaýı, tehnologııalyq turǵydan damyǵan memleket jáne medıa men tsıfrlyq salalardaǵy senimdi seriktes retindegi ımıdjin nyǵaıtý sııaqty Prezıdent TRK mıssııasynyń logıkalyq jalǵasy.

Mobıldi keshenniń, ıaǵnı is-sharalar ótetin oryndardaǵy ondaǵan kameralar, operatorlar men dybys ınjenerleri, ınjenerlik-tehnıkalyq qyzmet jáne rejısserlik toptyń birtutas organızm retinde jumys isteýi - Prezıdent TRK kadrlyq jáne uıymdastyrýshylyq áleýetiniń deńgeıin kórsetetin mamandardyń eńbegi.

- Bizdiń maqsatymyz – túsirilim nysanyn tehnıkamen qamtamasyz etý ǵana emes, sonymen qatar kez kelgen júktemege tótep bere alatyn tolyqqandy teleortalyq qurastyrý. Biz álemdik habar taratýshylardyń ozyq tájirıbelerin ustanamyz jáne búginde mobıldi teleóndiris turǵysynan Qazaqstan álemdik teleındýstrııa kóshbasshylarynyń qatarynda dep aıta alamyz, - dep atap ótti Prezıdent TRK dırektorynyń Tehnıkalyq jabdyqtaý jónindegi orynbasary Qaırat Maqajanov.

Zamanaýı tehnıkalyq qural-jabdyqtyń arqasynda 2026 jylǵy «Bolashaq oıyndaryn» 124 mln kórermen tamashalap úlgerdi. Qorytyndy boljam – 430-dan 490 mln kórermenge deıin, bul – 2025 jylǵy rekordtan 461 mln artyq.

TRK-nyń jańa JTS-teriniń telesıgnalyn 56 medıapartner, 161 resmı komıýnıtı-strımer jáne týrnırdiń 4 óz arnasy retranslıatsııa jasap otyr. Dıstrıbýtsııanyń jalpy jelisi – 221 arna. Sheteldik seriktester qatarynda qytaılyq HUYA, bilibili, Douyu, CMG (Yangshipin), brazılııalyq Play TV jáne BIGG TV, Likee, Silk Way TV, TrillerTV jahandyq arnalary bar.

Alǵash ret Qazaqstanda keń kólemde, atap aıtqanda 21 arna habar taratyp jatyr: QazSport, QAZAQSTAN, Khabar, Astana TV, Atameken, Jibek Joly, Freedom Media, Kinopoisk, Rutube, VK Play, Match TV, MIR TV, OKKO jáne basqalary. Osylaısha jergilikti aýdıtorııa keń kólemde qamtyldy.

Eske sala keteıik, Qazaqstanda ótken Bolashaq oıyndaryn 200 mln-nan astam adam tamashalady.