Dóńgelek aýystyratyn vagonda bolǵan órtte qostanaılyq qaza tapty
QOSTANAI. QazAqparat - Qostanaıda dóńgelek jóndeıtin sheberhanalardyń birinde bolǵan órtten er adam mert boldy, dep habarlaıdy QazAqparat Qostanaı oblystyq TJD baspasóz qyzmetine silteme jasap.
«Shaǵyn vagonnyń ishinde aǵash qańqa men qabyrǵa órtengen. Ondaǵy eki er adam evakýatsııalandy. Biraq olardyń biri - 56 jastaǵy er adam ystan ýlanyp qalǵandyqtan sol jerde kóz jumdy», - dep málimdedi TJD baspasóz qyzmeti.
Zardap shekkenderdiń ekinshisi aýrýhanaǵa jetkizilgen.
Vedomstvo ókilderiniń aıtýynsha, órt jerge tógilgen kólik maıynan bastalǵan.
Avtor: Janna Musabaeva
