Dóńgeleginiń shınasy joq avtoshabandoz «Jibek joly» jarysynda ekinshi oryn aldy
ASTANA. QazAqparat - Chehııalyq Tatra komandasynyń avtoshabandozy Martın Kolomy 2017 jylǵy «Jibek joly» rallıi marafonynyń onynshy kezeńindegi júk kólikteriniń jarysynda sol jaqtaǵy artqy dóńgelektiń shınasy joq bola tura, jyldamdyǵyn báseńdetpedi.
Kóliginiń buzylǵandyǵyna qaramastan, shamamen 50 km júrip ótken Kolomy máre syzyǵynan alǵashqylardyń biri bolyp ótti, dep habarlaıdy «R-Sport». Reseılik «KamAZ-Master» komandasynyń avtoshabandozy Edýard Nıkolaevtyń ekıpajyna jol bergen chehııalyq bul kezeńde ekinshi orynǵa ıe boldy.
On kezeńniń nátıjesinde júk kólikteriniń jalpy jarysy boıynsha Kolomy tórtinshi orynda kele jatyr, al kósh basynda «KamAz-Master» komandasynyń basqa avtoshabandozy Dmıtrıı Sotnıkov tur.
Uzaqtyǵy 9599 kılometrdi quraıtyn «Jibek joly» rallı-reıdi Reseı, Qazaqstan jáne Qytaı aýmaqtarynan ótedi. Jarys jetinshi ret uıymdastyrylyp otyr.
Sportshylar 22 shilde kúni Qytaıdyń Sıan qalasynda márege jetedi.
