Dóńgelegin tekserýge shyqqan: ShQO trassasynda júrgizýshini kólik qaqty
ÓSKEMEN. QazAqparat – «Óskemen-Semeı» tasjolynda kólik qaqqan er adam kóz jumdy, dep habarlaıdy QazAqparat tilshisi.
ShQO Polıtsııa departamenti baspasóz qyzmetiniń málimetine súıensek, jol-kólik oqıǵasy «Óskemen-Semeı» tasjolynyń 25-shi shaqyrymynda bolǵan. 22 jastaǵy jigit avtokóliginen túsip, dóńgelegin teksermekshi bolǵanda ony sol mańnan ótip bara jatqan «Lada» mashınasy qaǵyp ketti.
Er adam birden sol jerde jan tapsyrǵan.
«Qazirgi ýaqytta oǵan qatysty QR Qylmystyq kodekstiń 345-baby 3-bóligine (abaısyzda adam ólimine ákep soqqan jol qozǵalysy erejelerin buzý) sáıkes sotqa deıingi tergeý amaldary júrgizilýde. Vıdeotirkegishterdiń jazbalary alynyp, qylmystyq is materıaldaryna tirkeldi», - dep habarlady vedomstvo ókilderi.
