Dońǵalaǵy synyp qalǵan A.Vınokýrov «Lej-Baston-Lej» birkúndiginde jeńisten syrt qaldy
LЬEJ. 25 sáýir. QazAqparat /Dımash Syzdyqov/ - Astana» velokomandasynyń kóshbasshysy Aleksandr Vınokýrov kútpegen keleńsizdiktiń saldarynan «Lej-Baston-Lej» velojarysynda jeńisten tys qalyp qoıdy.
Jyl saıyn Belgııada Ardenna taýlarynda ótkiziletin bul doda álemdegi eń baıyrǵy klassıkalyq velojarys bolyp tabylady.
Favorıtteriniń biri dep sanalǵan Aleksandr Vınokýrov jarys jeńimpazy - «Omega Pharma-Lotto» komandasynyń ókili belgııalyq veloshabandoz Fılıpp Jılberge 1 mınýt 43 sekýnd ese jiberip, 32 oryndy qanaǵat tutty. Ekinshi jáne úshindi oryndy Lıýksembýrgtyń jáne «Leopard Trek» jańa komandasynyń atynan óner kórsetken aǵaıyndy Frenk jáne Endı Shlekter bólisti. Sóre syzyǵyn 24 sekýndqa keshigip kesken «Astana» komandasynyń ókili chehııalyq Roman Kroıtsıger tórtinshi oryndy qanaǵat tutty.
Esterińizge sala keteıik, Aleksandr Vınokýrov bul jarysta - 2005 jáne 2010 jyldary eki ret jeńimpaz atanǵan bolatyn.
Aleksandr Vınokýrov qazaqstandyq jýrnalısterge bergen suhbatda: «velosıpedim synyp qalyp, ony aýystyrýǵa týra keldi. Nátıjesinde kósh basyndaǵylardy qýyp jetý múmkindigin qoldan shyǵaryp aldyq. Komanda jaqsy jumys istedi, biraq sońyna qaraı sál jolymyz bolmaı qaldy, qoldan keler qaıran joq», dedi.
«Lej-Baston-Lej» dodasynda «Astana» komandasynyń quramynda myna sportshylar óner kórsetti: Aleksandr Vınıkýrov (Qazaqstan), Remı Dı Gregorıo (Frantsııa), Dmıtrıı Fofonov (Qazaqstan), Andreı Grıvko (Ýkraına), Enrıko Gasparotto (Italııa), Maksım Iglınskıı (Qazaqstan), Fredrık Kessıakof (Shvetsııa), Roman Kroıtsıger (Chehııa).
