«Dońǵa» jobasyndaǵy jergilikti qamtýdy damytý baǵdarlamasy bes jyldyq kezeńge bekitildi

ASTANA. KAZINFORM –  Baǵdarlamada satyp alý qyzmetiniń tıimdi quraldary men tetikteri qarastyrylǵan, olar qazaqstandyq óndirýshilerdi yntalandyrý men qoldaýǵa, ınvestıtsııa almasý negizinde uzaq merzimdi sharttar men kelisimsharttar jasasýǵa baǵyttalǵan. Bul týraly 

Іri munaı-gaz jobalarynda el ishindegi qundylyqty damytý jáne otandyq taýar óndirýshilerdi qoldaý maqsatynda Energetıka mınıstrligi «Dońǵa» jobasyndaǵy Ýákiletti organnyń fýnktsııalaryn oryndaıtyn «PSA» JShS-men birlesip, atalǵan joba sheńberinde júzege asyrylatyn taýarlar, jumystar men kórsetiletin qyzmetterdi retteletin satyp alýda el ishindegi qundylyq úlesin arttyrý boıynsha júıeli jumys júrgizip keledi.

Osy baǵyttaǵy mańyzdy qadamdardyń biri – «Dońǵa» jobasy boıynsha taýarlar, jumystar men kórsetiletin qyzmetterdegi jergilikti qamtýdy damytý baǵdarlamasynyń bes jyldyq merzimge bekitilýi boldy. Baǵdarlama jergilikti qamtý úlesin arttyrý boıynsha naqty nysanaly kórsetkishterdi kózdeıdi.

Baǵdarlamada satyp alý qyzmetiniń tıimdi quraldary men tetikteri qarastyrylǵan, olar qazaqstandyq óndirýshilerdi yntalandyrý men qoldaýǵa, ınvestıtsııa almasý negizinde uzaq merzimdi sharttar men kelisimsharttar jasasýǵa, sondaı-aq Qazaqstan Respýblıkasynyń aýmaǵynda taýar óndirisin oqshaýlaýdy yntalandyrýǵa baǵyttalǵan.