Donetskide fýtbol jankúıerleri otyrǵan jolaýshylar ushaǵy apatqa ushyrady

Onyń bortynda 45 adam boldy, olardyń denin «Shahter» (Donetsk) men «Borýssııa» (Dortmýnd) arasyndaǵy Chempıondar lıgasynyń 1/8 fınalyna Odessadan ushyp shyqqan fýtbol jankúıerleri quraıdy. Onymen qosa, jolaýshylar arasynda odessalyq kóptegen tanymal bıznesmender men saıasatkerler, sondaı-aq sot bıliginiń birneshe ókili boldy. Bul týraly Reseı Jańalyqtar agenttigi Donetsk áýejaıyndaǵy derekkózge, ýkraınalyq ınternet-basylymdarǵa jáne jergilikti TJM-ǵa silteme jasap habarlady.

Sońǵy málimetterge sáıkes, qoný barysynda ushaq otqa orandy, saldarynan bes adam qaza boldy, ekeýi jaraqattandy, 39-y qutqaryldy, taǵy bir jolaýshynyń taǵdyry belgisiz. Qutqarýshylar joǵalǵan adamdy izdestirýde, biraq áýe kemesiniń qańqasy qatty zaqymdanǵan, bul izdeý jumystaryn qıyndatýda.

«Biz barlyq bólikterine kire almaı jatyrmyz. Sharalar qoldanylýda», - dep atap ótti agenttikke Ýkraına Memlekettik qyzmeti bas basqarmasynyń Donetsk oblysy boıynsha baspasóz qyzmetiniń basshysy Inna Sedova.