Donetsk oblysynda Boeing qulaǵan orynǵa shamamen 80 halyqaralyq sarapshy keldi
ASTANA. QazAqparat - Senbi kúni Donetsk oblysynda malaızııalyq Boeing 777 qulaǵan orynǵa jetpis segiz halyqaralyq sarapshy keldi. Ózderimen birge olar qaza bolǵandardyń denesin izdeýge úıretilgen ıtterdi ala keldi, dep habarlady ITAR-TASS.
Bul týraly Eýropadaǵy qaýipsizdik pen yntymaqtastyq uıymynyń Ýkraınadaǵy mıssııasynyń arnaıy monıtorıng habarlamasynda aıtylǵan. «Quramynda segiz adamy bar arnaıy monıtorıng mıssııasy MN17 reısiniń qulaǵan ornyna 70 sarapshy jáne qaza bolǵan adamdardyń máıitterin izdeıtin ıttermen keldi. Alda uzaq ıntensıvti jumys kúni tur», - delingen habalamada.
Sarapshylar tobyna Nıderlandy men Avstralııadan mamandar kiredi.
Juma kúni TJ ornynda adam qaldyqtaryn izdeýmen júzge jýyq sarapshy aınalysady dep habarlanǵan bolatyn. Jeksenbi nemese dúısenbige qaraǵan kúni mamandardyń sanyn 20 adamnan 5 topqa jetkizý josparlanýda.
Áýe apaty qurbandarynyń máıitterin izdep, tasymaldaý boıynsha mıssııa basshysy Pıter ıAap Albersbergtiń sózine qaraǵanda, «birinshi kezekte, apat ornynda tabylǵandardyń bári sýretke túsiriledi, sosyn arnaıy paketter men qaptarǵa salynady, markerlenip, sodan keıin baryp tasýǵa áketiledi. Máıitter arnaıy tońazytqysh kameralarda Ýkraınanyń Soledar qalasyna jetkizilip, ol jerden refrıjerator vagondarmen Harkovqa jóneltiledi. Onda olardy odan ári ushaqtarmen Nıderlandyǵa jiberý uıymdastyrylady».
Sonymen birge, qaza bolǵandardyń jeke zattary bólek salynyp, Eındhovenge joldanady. «Ázirge qaza bolǵandardyń máıitterin izdeýdiń qansha ýaqyt alatyny jaıly aıtý qıyn, - dep atap ótti Albersberg. - Bul kóptegen jaǵdaılarǵa baılanysty. Alaıda bizge birneshe apta qajet ekeni sózsiz».
Jumaǵa deıin halyqaralyq sarapshylardyń bazasy Donetskide ornalasty, alaıda qazir ony Soledarǵa aýystyrý týraly sheshim qabyldandy. Ol áýe apaty aýdanynan 90 shaqyrym jerde ornalasqandyqtan apat ornyna jetý qolaıly bolmaq.
Qaıǵyly oqıǵa oryn alǵan alǵashqy kúnderi osy aımaqty baqylaýshy jasaq 227-den astam adam máıitterin tapty. Olar Nıderlandyǵa jiberildi. Tabylmaǵan máıitter men qaldyqtardy izdeý mindeti 400 avstralııalyq, gollandııalyq jáne malaızııalyq sarapshylardan turatyn halyqaralyq mıssııaǵa tapsyrylǵan.
