Donald Tramp: Zelenskıı bitim jasaǵysy keletinin aıtty

ASTANA. KAZINFORM — AQSh prezıdenti Donald Tramppen sóılesken Vladımır Zelenskıı bitimge kelýdi qalaıtynyn aıtqan. Bul týraly Aq úı basshysy Truth Social áleýmettik jelisinde jazdy, dep habarlaıdy TASS agenttigi.

– Jańa ǵana Ýkraına prezıdenti Vladımır Zelenskıımen sóılestim. Áńgime óte jaqsy ótti. Ol (Reseı prezıdenti Vladımır) Pýtın sııaqty tatýlasqysy keledi. Biz soǵysqa qatysty kóp nárseni talqyladyq, negizinen juma kúni Mıýnhende ótetin kezdesý sóz boldy. Onda vıtse-prezıdent Dj.D.Vens pen Memlekettik hatshy Marko Rýbıo delegatsııany (AQSh-tyń Mıýnhen qaýipsizdik konferentsııasynda) basqarady. Bul kezdesýdiń nátıjesi oń bolady dep senemin. Jappaı jáne múldem qajetsiz ólim men qıraýǵa ákelip soqtyratyn bul maǵynasyz soǵysty toqtatatyn ýaqyt keldi.

Reseı men Ýkraına halqyn Qudaı qoldasyn, - dep jazdy Donald Tramp.

Buǵan deıin Tramptyń Reseı prezıdenti Vladımır Pýtınmen telefon arqyly sóıleskeni habarlanǵan bolatyn.