Donald Tramp Vırgın araldarynda ótken saılaýshylar jıynynda úshinshi ret jeńiske jetti
ASTANA. KAZINFORM - AQSh-tyń burynǵy prezıdenti Donald Tramp beısenbi kúni Vırgın araldarynda ótken respýblıkalyq saılaýshylardyń kezdesýinde qatarynan úshinshi ret jeńiske jetti.
Saılaý qorytyndysy boıynsha burynǵy prezıdent 74 paıyz daýys jınaǵan. AQSh-tyń BUU janyndaǵy burynǵy elshisi Nıkkı Heılı Tramptan taǵy jeńilip, AQSh Vırgın araldarynda respýblıkashyl saılaýshylardyń 26 paıyzynyń qoldaýyna ıe boldy.
«Barlyǵyńyzǵa alǵys aıtqym keledi. Biz keremet jeńiske jettik. Jeńis kútken edik, bulaı kúshti bolady dep oılamadyq. Sizder men eshqashan umytpaıtyn keremet adamdarsyzdar», - dedi D.Tramp.
Burynǵy prezıdent Nevadadaǵy ishki partııalyq saılaýda da jeńedi degen boljam bar, onyń básekelesteri is júzinde joq.
AQSh-taǵy saılaý 2024 jyldyń 5 qarashasyna belgilengen. Donald Tramp buǵan deıin Aıova men Nıý-Gempshırde birinshi kezektegi daýystardy jeńip alsa, AQSh-tyń qazirgi prezıdenti Djo Baıden Nevada shtatynda partııalyq daýys berýde jeńiske jetti.
