Donald Tramp úshinshi dúnıejúzilik soǵysty boldyrmaýǵa ýáde berdi
ASTANA, KAZINFORM – AQSh-tyń burynǵy prezıdenti Donald Tramp qazirgi ýaqytta álemge jaqyndap kele jatqan úshinshi dúnıejúzilik soǵystyń aldyn alýǵa ýáde berdi. Bul týraly QazAqparat TASS agenttigine silteme jasap habarlaıdy.
«Men úshinshi dúnıejúzilik soǵystyń aldyn alamyn. Biz úshinshi dúnıejúzilik soǵysqa óte jaqyn turmyz jáne bul ózgelerine uqsamaıtyn soǵys bolady», - dedi ol beısenbi kúni jaqtastarynyń aldynda sóılegen sózinde.
Tikeleı efır RSBN konservatıvti medıakompanııasynyń arnasynda kórsetildi.
Tramp sonymen qatar Aq úıdegi «Sopaq kabınetine kelgenge deıin» beıbitshilikti qalpyna keltire alatynyn, sonyń ishinde Ýkraına men Reseı arasyndaǵy qaqtyǵysty retteı alatynyn atap ótti.
Buǵan deıin Tramp qaıta saılanǵan jaǵdaıda Ýkraınadaǵy qaqtyǵysty 24 saǵat ishinde sheshýge nıetti ekenin aıtqan bolatyn.
AQSh prezıdentiniń kelesi saılaýy qarasha aıynda ótedi. 2023 jyldyń 25 sáýirinde amerıkalyq kóshbasshy Djo Baıden joǵary memlekettik laýazymǵa qaıta saılanýǵa umtylatynyn málimdedi. Tramp 2022 jyldyń qarashasynda saılaý dodasyna qatysatynyn jarııalady.
