Donald Tramp Reseıge qarsy sanktsııalardy taǵy bir jylǵa uzartty
ASTANA. KAZINFORM – AQSh prezıdenti Donald Tramp Reseıge qarsy sanktsııalar merzimin taǵy bir jylǵa uzartý týraly jarlyqqa qol qoıdy. Bul týraly AQSh-tyń Federaldyq reestrinde jarııalanǵan resmı qujatqa silteme jasap TASS habarlaıdy.
Aıta keteıik, bul — 2021 jyldyń 15 sáýirinde Djo Baıden ákimshiligi qabyldaǵan №14024 jarlyq. Qujatta AQSh-qa kıbershabýyldar jasaýǵa, saılaýǵa aralasýǵa, amerıkalyq azamattarǵa zııan keltirýge, sondaı-aq sanktsııalardy aınalyp ótýge qatysy bar dep tanylǵan reseılik jeke jáne zańdy tulǵalarǵa qarsy shekteý sharalary qarastyrylǵan.
Sol ýaqyttan beri jarlyq birneshe márte keńeıtilip, merzimi uzartylǵan. 2025 jyly bul sharany qazirgi prezıdent Donald Tramp kúshinde qaldyryp, taǵy bir jylǵa uzartý týraly sheshim qabyldady.
Aıta keteıik, AQSh kelissózder aldynda Iranǵa qarsy jańa sanktsııalar engizdi.
Atalǵan materıal Kazinform aqparat agenttigine TASS seriktes agenttigi arqyly usynyldy.