Donald Tramp Reseı men Ýkraına arasynda úsh kúndik bitim jarııalady
ASTANA. KAZINFORM – AQSh prezıdenti Donald Tramp Reseı men Ýkraına arasynda 9, 10 jáne 11 mamyr kúnderi áreket etetin úsh kúndik atysty toqtatý rejımi engizilgenin málimdedi, dep habarlaıdy Kazinform agenttigi.
Amerıka kóshbasshysy bul úsh kúndik bitim qaqtyǵysty aıaqtaýǵa bastama bolýy múmkin degen úmit bildirdi.
— Bul bitim barlyq belsendi áskerı áreketti toqtatýdy, sondaı-aq ár taraptan 1000 adamnan turatyn tutqyndar almasýyn qamtıdy, — dep jazdy Tramp óziniń Truth Social áleýmettik jelisindegi paraqshasynda.
Aq úı basshysy taraptardyń kún saıyn retteýge jaqyndap kele jatqanyn da atap ótti.
— Bul ótinish tikeleı meniń tarapymnan jasaldy jáne onyń Vladımır Pýtın men Vladımır Zelenskıı tarapynan qoldaý tapqanyna joǵary rızashylyǵymdy bildiremin, — dep qosty ol.
Reseı Tramptyń Ýkraınamen bitimdi 11 mamyrǵa deıin uzartý jáne osy merzimge deıin Kıevpen «myńǵa myń» formaty boıynsha tutqyn almasý týraly bastamasyn qoldaýǵa kelisti.
TASS agenttiginiń habarlaýynsha, bitimdi uzartý men tutqyndar almasý jónindegi kelisimder AQSh prezıdenti ákimshiligimen júrgizilgen telefon kelissózderi barysynda júzege asqan.
Zelenskıı de Tramp jarııalaǵan bitim men tutqyn almasý kelisimin rastady.
Buǵan deıin taraptar ýaqytsha atysty toqtatý rejımi engizilgenin málimdegen bolatyn.
