Donald Tramp Pýtınmen telefon arqyly sóılesti
AQSh prezıdenti Donald Tramp New York Post tabloıdyna Reseı prezıdenti Vladımır Pýtınmen telefon arqyly Ýkraınadaǵy soǵys týraly sóıleskenin aıtty, dep habarlaıdy BBC.
Bul qashan bolǵany belgisiz. Onyń ústine, eki prezıdent qansha ret telefonmen sóılesti degen suraqqa Tramp: «Muny aıtpaǵanym jón» dep jaýap berdi.
Tramptyń aıtýynsha, Vladımır Pýtın «adamdardyń (soǵys dalasynda) ólýin toqtatqanyn» qalaıdy. Sondaı-aq AQSh prezıdenti soǵysty qalaı aıaqtaý týraly naqty jospary bar ekenin jetkizdi.
AQSh vıtse-prezıdenti Dj.D.Vens kelesi aptada Mıýnhende ótetin qaýipsizdik konferentsııasynda Ýkraına prezıdenti Vladımır Zelenskıımen kezdesedi.
Sondaı-aq AQSh prezıdenti Zelenskıımen qaýipsizdik kepildiginiń ornyna sırek metaldar men ýkraın gazyna qol jetkizý úshin 500 mıllıon dollarlyq kelisim jasaǵysy keletinin aıtty.
Eske salaıyq, Tramp Maskqa Pentagonnyń shyǵyndaryn tekserýdi buıyrdy.
