Donald Tramp ózine qandaı ýáde berdi

ASTANA.KAZINFORM — AQSh prezıdenti Donald Tramp jańa jylda álemde beıbitshilik ornatýǵa kúsh salýǵa nıetti, dep jazdy TASS.

Aq úı basshysy bul týraly Florıda shtatyndaǵy Ýest Palm-Bıchke jaqyn mańdaǵy Mar-a-Lagodaǵy úıindegi qabyldaý aldynda málimdedi.

Jýrnalısterdiń «Jańa jyl bastalǵanǵa deıin ózine bergen ýádesi bar ma?» degen suraqqa Vashıngton ákimshiliginiń basshysy: «Iá, bar. Jerdegi beıbitshilik» dedi.

Tramp «AQSh óz áskerin Ýkraınaǵa jiberýge daıyn ba, joq pa», sondaı-aq «TsRÝ Venesýelaǵa soqqy berýde qandaı ról atqardy» degen suraqtarǵa jaýap bermedi. Tramp jýrnalısterge sál jymıyp, raqmet aıtty.

Buǵan deıin Donald Tramp Chıkago, Los-Andjeles jáne Portlendten Ulttyq gvardııanyń shyǵarylǵanyn jarııalady.

Sondaı-aq AQSh prezıdenti osy aptada ekinshi prezıdenttik merzimindegi zań jobasyna alǵash ret veto qoıyp, eki partııanyń qoldaýymen Kongres qabyldaǵan eki birdeı zań jobasyn qabyldamaı qoıdy.