Donald Tramp ózara tarıfter týraly jarlyqqa qol qoıdy

ASTANA. KAZINFORM – Donald Tramp AQSh ónimderine salyq salatyn barlyq elderge jaýap tarıfterin engizý týraly jarlyqqa qol qoıdy, dep habarlaıdy Euronews.

Aq úı basshysy jańa sharalar Vashıngtonmen saýdadaǵy teńgerimsizdikti joıýǵa baǵyttalǵanyn aıtty.

- Eger siz óz ónimderińizdi AQSh-ta shyǵarsańyz, esh salyq bolmaıdy. Men ádilettilik úshin ózara tarıfti, ıaǵnı elder Amerıka Qurama Shtattarynan alatyn kez kelgen alymdardy, biz olardan alatyn bolamyz dep sheshtim. Artyq ta, kem de emes. Basqasha aıtqanda, olar bizden salyq nemese baj salyǵyn alady, al biz olardan dál sol salyqty nemese bajdy alamyz, óte qarapaıym, - dedi Tramp. 

Mamandar bul qadam el ishinde ekonomıkalyq turaqsyzdyq týdyrýy múmkin dep sanaıdy. Olar eger basqa elder ózderiniń tarıfteri men saýda kedergilerimen jaýap berse, tutynýshylar úshin baǵa ósetinin alǵa tartady. 

Biraq Tramp óziniń jospary jumys isteıtinine optımıstik kózqarasta.

- Іs júzinde ne bolatynyn eshkim bilmeıdi, biz tek buryn kórmegen deńgeıde jumys oryndary ashylatynyn bilemiz. Biz paıyzdyq mólsherlemeler bolyp jatqan oqıǵalarǵa baılanysty tómendeıdi dep oılaıtynymyzdy bilemiz jáne olar tarıftermen qatar júredi, - dedi Donald Tramp.

Sońǵy aptalarda AQSh prezıdenti tarıfterdi engizý arqyly odaqtastary men básekelesterine qarsy shyqty. Kóptegen el Tramp óziniń qoqan-loqysyn oryndaıtyn bolsa, oǵan qarsy soqqy berý úshin qarsy sharalardy daıyndap jatyr. Sarapshylardyń aıtýynsha, bul saıasat álemdi ekonomıkalyq ósimniń tómendeý qaýpi bar jappaı saýda soǵysyna ıtermeleıdi.

Tramp alıýmınıı men bolat ımportyna 25% baj salyǵyn engizgen edi.