Donald Tramp Ońtústik Karolınadaǵy praımerızde jeńiske jetti

ASTANA. KAZINFORM – AQSh-tyń burynǵy prezıdenti Donald Tramp 2024 jylǵy qarashada ótetin prezıdenttik saılaýda Respýblıkalyq partııa atynan ókildik etý múmkindigi úshin kúreste onyń basty qarsylasy Nıkkı Heılıdiń týǵan shtaty Ońtústik Karolınadaǵy alǵashqy saılaýda jeńiske jetti, dep jazady DW.com.

AP agenttiginiń habarlaýynsha, Aq úıdiń burynǵy basshysy Ońtústik Karolınada 60,8 paıyz, AQSh-tyń BUU-daǵy burynǵy turaqty ókili jáne shtattyń burynǵy gýbernatory Nıkkı Heılı 38,6 paıyz daýys jınaǵan. Edison Research málimetinshe Tramp 60,2 paıyz, Heılı 39,2 paıyz.

Sonymen birge, AP agenttigi men basqa da BAQ saılaý ýchaskeleri jabylǵannan keıin birden Tramptyń praımerızde jeńiske jetkenin jarııalady.

New York Times gazetiniń jazýynsha, Nıkkı Heılı jekpe-jekti jalǵastyrýǵa ýáde berdi.

Aqpan aıynyń basynda Aq úıdiń burynǵy basshysy Nevada shtatyndaǵy jaqtastarynyń jınalysynda (kokýstarda) jeńiske jetti. Aıtýynsha, Tramptyń basty qarsylasy-Nıkkı Heılı-daýys alǵan joq, óıtkeni onyń kandıdatýrasy tipti talqylanbady. Sodan keıin saıasatker Respýblıkalyq sheneýnikter Nevadadaǵy praımerız ben kokýs protsesin eks-prezıdenttiń paıdasyna burmalaǵanyn aıtty.

Nevadadaǵy jeńistiń arqasynda Tramp osy shtattan 26 delegattyń qoldaýyna ıe boldy. 6 aqpanda shtatta ótken Respýblıkalyq partııanyń praımerızine saıasatker qatysqan joq. Demokratııalyq partııada 89 paıyz daýys jınaǵan AQSh-tyń qazirgi prezıdenti Baıden jeńiske jetti.

Buǵan deıin Tramp Aıova shtatynda jáne Nıý-Gempshır shtatynda ótken praımerızde jeńiske jetken bolatyn.