Donald Tramp Nıý-Iorktiń jańa merimen kezdesti

ASTANA. KAZINFORM — AQSh prezıdenti Donald Tramp Nıý-Iork qalasynyń meri Zohran Mamdanımen kezdesti, dep habarlaıdy RIA Novostı.

Donald Tramp Nıý-Iorktiń merimen kezdesýinde jýrnalısterdiń suraqtaryna jaýap berdi. 

Tramp Mamdanıge Nıý-Iorkti qaýipsiz etý úshin birge jumys isteıtinine ýáde berdi.

— Biz muny birshama talqyladyq. Mamdanı qaýipsiz Nıý-Iorkti qalaıdy. Qaýipsiz Nıý-Iork — keremet Nıý-Iork. Kez kelgen taqyrypta sóılesýge bolady. Biraq qaýipsiz kósheler bolmasa, tabys bolmaıdy. Biz birge jumys isteımiz, — dedi Tramp.

Aq úı basshysynyń aıtýynsha, Mamdanı ekeýiniń zańsyz mıgranttar týraly oıy bir. Ol jańa merge federaldy kómek kórsetemin dep ýáde etti.

— Oǵan tabysqa jetý úshin shynymen kómek kerek jáne biz kómektesemiz, — dedi Tramp. 

Jýrnalıster tek kezdesýge qatysty suraqtar qoımady. Amerıkanyń 28 tarmaqtan turatyn beıbitshilik josparyna qatysty birneshe saýaldar joldandy. Sondaı-aq Taıaý Shyǵystaǵy jaǵdaı da talqylandy. Tramp palestınalyq HAMAS qozǵalysyn tolyq qarýsyzdandyrýǵa umtylatynyn málimdedi.

Aıta keteıik, Tramp Ýkraına boıynsha josparǵa qol qoıý úshin «qolaıly merzimdi» atady.