Donald Tramp negizgi jeti shtattaǵy saılaýaldy jarysta Djo Baıdennen alda keledi

Bloomberg jańa saýalnamasy AQSh-tyń burynǵy prezıdenti Donald Tramp 2024 jylǵy saılaýaldy jarysta jeti negizgi shtatta Djo Baıdennen alda kele jatqanyn kórsetti. Bul týraly Kazinform tilshisi USA Today basylymyna silteme jasap habarlaıdy.

Beısenbi kúni jarııalanǵan Bloomberg News/Morning Consult Pro saýalnamasy Donald Tramp Soltústik Karolına (11 pýnk boıynsha), Djordjııa (7 pýnkt boıynsha), Vıskonsın (6 pýnkt boıynsha), Nevada (5 pýnkt boıynsha), Mıchıgan (4 pýnkt boıynsha), Arızona (3 pýnkt boıynsha) jáne Pensılvanııada (bir pýnkt boıynsha) Djo Baıdennen ozyp kele jatqanyn kórsetti.

Sondaı-aq saýalnama ár shtattaǵy toǵyz saılaýshynyń altaýy 2024 jyly kimge daýys beretini týraly sheshim qabyldaǵanda úmitkerlerdiń ekonomıka men densaýlyq saqtaý salasyndaǵy maqsatyna basa nazar nazar aýdaratynyn kórsetti.

Donald Tramp ekonomıka boıynsha kósh bastap kele jatqanymen, Djo Baıden negizgi jeti shtattyń beseýinde burynǵy prezıdentten densaýlyq saqtaý boıynsha alda keledi.

Saýalnama 27 qarasha men 6 jeltoqsan aralyǵynda júrgizildi jáne statıstıkalyq qatelik kórsetkishi plıýs-mınýs 3% shamasynda.

AQSh-taǵy saılaý 2024 jylǵy 5 qarashaǵa josparlanǵanyn eske sala keteıik.

Donald Trampqa saılaýǵa qatysýǵa ruqsat berildi.