Donald Tramp krıptovalıýta jónindegi arnaıy ókilin taǵaıyndady
ASTANA.KAZINFORM - Donald Tramptyń jasandy ıntellekt jáne krıptovalıýta boıynsha taǵy bir arnaıy ókili bolady, dep jazady VVS.
Bul laýazymǵa PayPal kompanııasynyń burynǵy bas operatsııalyq dırektory Devıd Saks saılandy. Bir kún buryn absolıýtti rekord ornatqan Bıtkoın Sakstyń kandıdatýrasyna aıtarlyqtaı áser etti.
Tramp alǵash ret Bitcoin 2024 konferentsııasy kezinde jańa arnaıy ókildi - «krıpto patsha» saılaıtynyn jarııalady. Sonymen birge ol Djo Baıden ákimshiliginiń áreketterin synaı otyryp, salany retteýge degen kózqarasty ózgertýge ýáde berdi. Tramptyń aıtýynsha, ol krıpto áýesqoılaryna «qylmyskerler sııaqty» qarady jáne «olarǵa qarsy soǵysty».
Truth Social áleýmettik jelisinde Devıd Sakstyń jańa laýazymǵa taǵaıyndalǵanyn jarııalaǵan Tramp jasandy ıntellekt pen krıptovalıýtalardy «Amerıkanyń básekege qabilettiliginiń bolashaǵy úshin mańyzdy» salalar dep atady.
«Devıd Amerıkany eki salada da álemdik kóshbasshyǵa aınaldyrýǵa nazar aýdarady», - dep jazdy Tramp.
https://t.co/DllC6aJYoG pic.twitter.com/Li86cNDuP8
— David Sacks (@DavidSacks) December 6, 2024
Jaýap jazbasynda Saks «Prezıdent myrzaǵa» alǵysyn bildirdi jáne amerıkalyq básekege qabilettilikti damytatynyn jazdy.
Buǵan deıin Donald Tramptyń AQSh-tyń Qytaıdaǵy elshisi qyzmetine Devıd Perdıýdi tańdaǵanyn habarlaǵan bolatynbyz.