Donald Tramp Qytaıǵa baj salyǵyn 145 paıyzǵa deıin kóterdi

ASTANA. KAZINFORM - Amerıkanyń Qytaıdan jetkizilim bajy 125 paıyz emes, 145 paıyz bolady, dep jazdy Aq úı. Buǵan deıin Beıjiń AQSh-qa qarsy tarıfterdi 84 paıyzǵa deıin kótergen bolatyn, dep habarlaıdy DW.

Aq úı, 10 sáýirde túsindirgenindeı, bir kún buryn jarııalanǵan 125 paıyzdy naýryz aıynda engizilgen 20 paıyzǵa qosý kerek, dep habarlady batystyń aqparat agenttikteri men BAQ.

Osylaısha, Qytaı úshin jalpy tarıfter 145 paıyzdy quraıdy.

Tramp alymdardyń ósýin Beıjińniń fentanıl esirtkisiniń saýdasyna baılanysty áreketsizdigimen baılanystyrdy. Ol sondaı-aq Beıjińdi jahandyq naryqqa «jetkilikti qurmet kórsetpeıdi» dep aıyptady.

Buǵan deıin Qytaıdan keletin taýarlarǵa salynatyn baj salyǵyn eki ese, 20 paıyzǵa kóterýge jaýap retinde Beıjiń AQSh-tan keletin taýarlarǵa salynatyn baj salyǵy 34-ten 84 paıyzǵa deıin ósetinin jarııalaǵan.

Sońǵy aptalarda Donald Tramp Qurama Shtattaryna, sonyń ishinde Eýropalyq Odaqtan ákelinetin ártúrli taýarlarǵa birqatar saýda tarıfterin engizdi.

9 sáýirde AQSh prezıdenti kóptegen elderge qatysty kedendik baj salyǵyn engizýdi 90 kúnge toqtatty, biraq bul qadamnyń Qytaıǵa qatysy joq. Kerisinshe, QHR úshin 125 paıyzdyq tarıf jarııalandy.