Donald Tramp Qytaıǵa barady
ASTANA. KAZINFORM — AQSh prezıdenti Donald Tramp 13-15 mamyr aralyǵynda Qytaıǵa memlekettik saparmen barady. Bul týraly Sınhýa agenttigi jazdy.
— Qytaı tóraǵasy Sı Tszınpınniń shaqyrýymen AQSh prezıdenti Donald Tramp 13-15 mamyr aralyǵynda Qytaıǵa memlekettik saparmen barady, — delingen Qytaı Syrtqy ister mınıstrligi baspasóz hatshysynyń habarlamasynda.
Aıta keteıik, Donald Tramp Sı Tszınpınnen Iranǵa qarý satpaýyn ótingen bolatyn.
Buǵan deıin AQSh prezıdenti Shyǵystaǵy jaǵdaıǵa baılanysty Qytaıǵa saparyn keıinge qaldyrǵan edi. Ol Beıjińge saparyn jáne Qytaı tóraǵasy Sı Tszınpınnen sáýir aıynyń basyna josparlanǵan kezdesýin bir aıǵa shegerýdi suraǵanyn málimdedi.
