23:37, 19 Aqpan 2026 | GMT +5
Donald Tramp Qazaqstandy keremet ári baı el retinde sıpattady
ASTANA. KAZINFORM — AQSh Prezıdenti Keńeske qatysýshy elderdiń basshylaryn tanystyrý barysynda Qazaqstandy keremet ári baı el retinde sıpattady, dep habarlaıdy Aqordanyń baspasóz qyzmeti.
Donald Tramp óz sózinde Gazadaǵy turaqtylyqty qamtamasyz etýge jáne qalpyna keltirýge atsalysqany úshin Beıbitshilik keńesiniń alǵashqy otyrysyna qatysýshylarǵa shynaıy rızashylyǵyn bildirdi.
— Donald Tramp Sammıtke kelgen memleketter basshylaryn sheshimtal áreketteri arqyly beıbitshilik pen turaqtylyqty nyǵaıtýǵa, halyqaralyq dıalogty damytýǵa eleýli úles qosqan naǵyz jahandyq aýqymdaǵy kóshbasshylar dep atady, — delingen habarlamada.
Osydan buryn Toqaev Prezıdent Tramp atyndaǵy arnaıy nagradany bekitýdi usyndy.