Donald Tramp Qasym-Jomart Toqaevqa alǵys aıtty
ASTANA. KAZINFORM – Birqatar BAQ ókilderi Davosta ótken Beıbitshilik keńesiniń Jarǵysyna qol qoıý rásiminde Memleket basshysy men Amerıka Prezıdenti arasyndaǵy qysqasha áńgimeniń mazmunyna qatysty saýal joldady, dep jazdy Aqorda.
Qasym-Jomart Toqaev Davos forýmynda taratylǵan «Prezıdent Donald Tramptyń 365 kún ishindegi 365 jeńisi» dep atalatyn resmı qujattyń 177-tarmaǵynda Qazaqstannyń Ibrahım kelisimderine qosylǵany jetistik retinde kórsetilgenine nazar aýdardy.
Budan bólek, Prezıdent Amerıka kóshbasshysyna aqyl-parasatqa negizdelgen ishki saıasatty júzege asyrýda tabys tiledi.
Donald Tramp Beıbitshilik keńesin qurý týraly bastamasyna qoldaý kórsetkeni úshin Qasym-Jomart Toqaevqa alǵys aıtty.
Aıta keteıik, búgin Qasym-Jomart Toqaev Beıbitshilik keńesiniń Jarǵysyna qol qoıdy.