Donald Tramp Kamala Harrıspen jańa debat ótkizbeıtinin málimdedi

ASTANA. KAZINFORM — AQSh-tyń burynǵy prezıdenti Donald Tramp óziniń básekelesi, Demokratııalyq partııadan úmitker Kamala Harrıspen endi saılaýaldy pikirtalasqa qatyspaıtynyn málimdedi, dep habarlaıdy VVS.  

«Úshinshi pikirtalas bolmaıdy!» — dep jazdy ol Truth Social áleýmettik jelisinde bas árippen.

Tramp maýsym aıynda Djo Baıdenge qarsy birinshi debatyn ótkizdi, ol AQSh prezıdenti úshin sátsiz boldy.

Osy aptada Fıladelfııada Tramptyń Kamala Harrıske qarsy ekinshi saılaýaldy debaty ótti.

Kóptegen saıası sarapshylar Tramp jeńdi dep sanaǵanymen Harrıstiń senimdi ári jaqsyraq sóılegenin atap ótti.

«Saýalnama seısenbi kúni keshke Demokratııalyq partııanyń kandıdaty Kamala Harrıspen ótken debatta jeńgenimdi anyq kórsetti jáne ol meni birden ekinshi debatqa shaqyrdy», — dep jazady Tramp.

Onyń aıtýynsha, boksshy jekpe-jekte jeńilip qalǵanda onyń aýzynan shyǵatyn alǵashqy sóz — «maǵan revansh kerek».  

Respýblıkalyq partııa úmitkeriniń aıtýynsha, «Kamala men Djo [Baıden] týǵyzǵan máseleniń bári maýsym aıynda Baıdenmen birinshi debatta, sodan keıin Harrıspen ekinshi pikirtalas kezinde egjeı-tegjeıli talqylanǵan», sondyqtan «úshinshi debat bolmaıdy».