Donald Tramp Izraılge barýy múmkin

ASTANA. KAZINFORM — Izraıl kelesi aptanyń basynda AQSh prezıdenti Donald Tramptyń saparyna daıyndalyp jatyr, dep habarlaıdy Report.

— Tramptyń ózi Taıaý Shyǵysqa 11 nemese 12 qazan kúni barýy múmkin ekenin málimdedi. Biraq qaı elge baratynyn naqtylamady, — delingen aqparatta.

Axios tilshisi Barak Ravıdtiń pikirinshe, Aq úıdiń ıesi Izraıl premer-mınıstri Bınıamın Netanıahýdyń shaqyrýymen evreı memleketiniń parlamenti — Knessette sóz sóıleýge nıetti.

Aıta keteıik, AQSh prezıdenti Donald Tramp Izraıl premer-mınıstrine óziniń Gaza sektoryndaǵy soǵysty toqtatý josparyna keliskeni úshin alǵys bildirgen edi.