Donald Tramp AQSh-tyń Іshki qaýipsizdik mınıstrin aýystyrýǵa sheshim qabyldady
ASTANA. KAZINFORM — AQSh prezıdenti Donald Tramp naýryz aıynyń sońynda Іshki qaýipsizdik mınıstrligin respýblıkashyl senator Markýeın Mallın basqaratynyn málimdedi. Bul týraly Aq úı basshysy Truth Social saıtyndaǵy resmı akkaýntynda jarııalady.
— Men Oklahoma shtatynyń bedeldi senatory Markýeın Mallınniń 2026 jyldyń 31 naýryzynan bastap Amerıka Qurama Shtattarynyń Іshki qaýipsizdik mınıstri (DHS) bolatynyn qýana habarlaımyn, — dedi Donald Tramp málimdemesinde.
Markýeın Mallın Krıstı Noemniń ornyna keledi.
Tramp sózinshe, Krıstı Batys jarty shardaǵy AQSh-tyń jańa qaýipsizdik bastamasy «Amerıka qalqany» boıynsha arnaıy elshi bolyp taǵaıyndalady.
Aıta keteıik, byltyr jyl sońyna qaraı Tramp Grenlandııa boıynsha AQSh-tyń arnaıy elshisi etip respýblıkashyl gýbernator Djef Lendrıdi taǵaıyndady.
