Donald Tramp AQSh-tyń energetıkalyq ústemdik keńesin qurdy

ASTANA. KAZINFORM - AQSh prezıdenti Donald Tramp energetıkalyq ústemdik jónindegi ulttyq keńes qurý týraly jarlyqqa qol qoıdy, dep jazady TASS.

Aq úı baspasóz qyzmetiniń habarlaýynsha, Tramp energetıkalyq ústemdik jónindegi ulttyq keńes qurý týraly jarlyqqa qol qoıdy. 

— Bizde basqa elderge qaraǵanda energııa resýrsy kóbirek jáne biz qazir olardy bosatyp jatyrmyz, - delingen qujatta.

Keńesti ishki ister mınıstri Dag Bergam basqarady. Onyń orynbasary bolyp energetıka mınıstri Krıs Raıt taǵaıyndalady. 

— Bul múmkindikti ashýymyz kerek. Biz ony Amerıka shyǵanaǵynan Alıaskaǵa deıin ashýymyz qajet, - delingen AQSh Іshki ister mınıstri Dýglas Bergamnyń baspasóz qyzmeti habarlamasynda.

Financial Post basylymynyń habarlaýynsha, keńes AQSh-tyń energetıkalyq saıasatyn júrgizýge jaýapty bolady. Atap aıtqanda, onyń mindetterine federaldy úkimettiń energetıkalyq saıasatyn belgileý jáne ruqsat berý, sondaı-aq munaı, gaz, elektr energııasyn jáne basqa resýrstardy óndirý men bólýge kúsh jumyldyrýǵa kómektesý kiredi.

Eske sala keteıik, buǵan deıin Meksıka shyǵanaǵynyń aty «Amerıka shyǵanaǵy» dep ózgergeni týraly habarlaǵan bolatynbyz.