Donald Tramp AQSh pen Iran arasyndaǵy kelissóz jalǵasyp jatqanyn málimdedi
ASTANA. KAZINFORM — AQSh Iranmen kelissóz júrgizýdi jalǵastyryp jatyr. Bul týraly AQSh prezıdenti Donald Tramp Aq úıde jýrnalısterge málimdedi, dep habarlaıdy Report.
— Iranmen isimiz óte jaqsy júrip jatyr. Biz Iranmen sóılestik jáne kelissózdi jalǵastyryp jatyrmyz, — dedi AQSh basshysy.
Tramp Vashıngtonnyń Tegeranmen baılanys ornatyp otyrǵanyn taǵy da qaıtalady. Alaıda kelissózderdiń mazmunyn ashyp aıtpady.
Sonymen qatar AQSh prezıdenti Vashıngtonnyń áreketteri nátıjesinde Ormýz buǵazy keme qatynasy úshin ashyq ekenin málimdedi.
Buǵan deıin Donald Tramp Irannyń ıadrolyq nysandaryn taǵy da soqqy astyna alamyz dep otyr.