Donald Tramptyń reıtıngi 1945 jylǵy deńgeıge túsip ketti
ASTANA. QazAqparat - Amerıkalyqtar Donald Tramptyń el prezıdenti qyzmetine kirisken alǵashqy 100 kúndegi jumysyna óz baǵalaryn berdi.
Prezıdenttiń jumysyna rıza bolǵandardyń reıtıngi 1945 jyldan beri eń tómengi boldy, dep habarlaıdy RT ABC News jáne The Washington Post úshin saýalnama ótkizgen Langer Research Associates kompanııasyna silteme jasap.
Atap aıtqanda, saýalnama barysynda amerıkalyqtardyń 42 paıyzy Tramptyń Aq úıdiń basshysy qyzmetindegi alǵashqy qadamdaryn oń baǵalaıtynyn aıtsa, respondentterdiń 52 paıyzy keri pikir bildirgen.
Bul rette, jekelegen salalarda Tramptyń reıtıngi áldeqaıda joǵary bolǵan. Máselen, onyń amerıkalyqtar úshin jumys oryndaryn qurý baǵytyndaǵy saıasatyn saýalnamaǵa qatysýshylardyń 73 paıyzy qoldady.
Atap ótilgendeı, AQSh-tyń eks-prezıdenti Barak Obamanyń alǵashqy 100 kúndegi jumysyna amerıkalyqtardyń 69 paıyzy rızalyqtaryn bildirgen.
