Donald Tramptyń kompanııasy salyqtan jaltaryp, alaıaqtyq jasaǵan

ASTANA. QazAqparat - Nıý-Iorkte sot AQSh-tyń burynǵy prezıdenti Donald Tramptyń otbasyna tıesili Trump Organization (Tramp uıymy) kompanııasyn salyqty tóleýde alaıaqtyq jasady dep tanydy. Bul týraly QazAqparat VVS agenttigine silteme jasap habarlıdy.

Sot kezinde Tramp ta, onyń týystary da aıyptalǵan joq. Alaıda osy fırma olardyń jyljymaıtyn múlkin, sonyń ishinde álemdegi barlyq qonaqúılerin, golf-klýbtary men basqa nysandaryn basqarady.

Prokýrorlar Trumpg Organization kompanııasyna taqqan barlyq 17 aıypta kináli dep málimdedi.

Sot Tramp kompanııasynyń qyzmetkerleri 10 jyldan astam ýaqyt boıy keıbir kiristerdi deklaratsııalamaǵanyn anyqtady, ıaǵnı salyqty aıtarlyqtaı az tólegen. Іs boıynsha basty aıyptalýshy Trump Organization kompanııasynyń burynǵy qarjy dırektory Alan Vaısselberg boldy, ol kinásin moıyndap, fırmaǵa qarsy kýálik berdi. 75 jastaǵy Vekselberg tergeýmen kelisimge kelip, onyń sharty boıynsha ol túrmede 5 aı otyryp shyǵady. Ol sondaı-aq 1,7 mıllıon dollardan astam deklaratsııalanbaǵan kiristi qaıtarýy kerek.

«Trump Corporation 13 jyl boıy joǵary deńgeıli menedjerlerge salyq organdarynan ádeıi jasyrylǵan qomaqty qosymsha jeńildikter men tólemder alatyn shemany iske asyrǵan», - dedi Manhetten prokýrory Elvın Brag.

Eske salsaq, Donald Tramp aldaǵy prezıdent saılaýyna túsýge resmı ótinish berdi.

Foto: REUTERS