Donald Tramptyń Facebook jáne Instagram-daǵy akkaýnttary qalpyna keltirildi
NЬıÝ-IORK. QazAqparat - Meta korporatsııasy beısenbi kúni Donald Tramptyń Facebook jáne Instagram-daǵy akkaýnttaryn buǵattan shyǵardy, dep habarlaıdy QazAqparat CNN-ge silteme jasap.
Donald Tramp Facebook pen Instagram paraqshalarynda ázirge eshqandaı habarlama jarııalaǵan joq.
Donald Tramptyń áleýmettik jelidegi akkaýnttary eki jyl buryn onyń jaqtastary 2021 jyldyń 6 qańtarynda Kapıtolııge shabýyl jasaǵannan keıin buǵattalǵan bolatyn. Meta-nyń áleýmettik jelileri endi oǵan ashyq ekeni týraly habar birneshe apta buryn jarııalanǵan bolatyn. Uıym Donald Tramp platforma erejelerin taǵy buzatyn bolsa, onyń profılderi qaıtadan buǵattalatynyn aıtty.
Twitter de Donald Tramptyń akkaýntyn qarasha aıynda qalpyna keltirdi. Sodan beri ol platformaǵa birde-bir jazba qaldyrmaǵan.
Donald Tramp 2024 jylǵy prezıdenttik saılaý aldynda saılaýshylarmen baılanys jáne saıası qarajat jınaýdyń negizgi platformalaryna qaıta qol jetkizdi.
Qańtardaǵy kórsetkish boıynsha, onyń Instagram-da 23 mıllıon, Facebook-te 34 mıllıon oqyrmany boldy.
Osyǵan deıin Donald Tramptyń Facebook pen Instagram paraqshalary qalpyna keltiriletini jazylǵan bolatyn.
Foto: euronews.com
