«Donald Trampty qaıtarý»: Ilon Mask Twitter-de saýalnama ótkizip jatyr
ASTANA. QazAqparat – Twitter-diń jańa ıesi Ilon Mask Amerıkanyń burynǵy prezıdenti Donald Tramptyń atalmysh áleýmettik jelidegi akkaýntyn bloktan shyǵarý-shyǵarmaý jóninde saýalnama ótkizip jatyr, dep habarlaıdy QazAqparat.
I.Mask saýalnamany Twitter-degi óz paraqshasynda ornalastyrdy. Ol: «Burynǵy prezıdent Trampty qaıtarý», - dep jazyp, tańdaýǵa eki nusqany usyndy: «ıá» nemese «joq».
Masktyń Twitter-de 116,8 mln jýyq oqyrmany bar. Saýalnama 24 saǵatqa ornalastyrylǵan. Osy saǵatqa deıin óz tańdaýyn 7 mln 493 myń 926 adam jasady. D.Tramp akkaýntyn bloktan shyǵarýdy qalaǵandar sany, «joq» dep jaýap bergenderge qaraǵanda sál kóbirek bolyp tur.
Eske salaıyq, 2021 jyldyń qańtarynda Twitter áleýmettik jelisi AQSh-tyń sol kezdesi prezıdenti Donald Tramptyń akkaýntyn birjolata bloktap tastaǵan bolatyn.
Tramp el basshysy laýazymynda 26 myńnan astam tvıt jarııalaǵan. Kúnine orta eseppen 18 tvıt jazyp otyrǵan.
Ilon Mask bıylǵy qazan aıynyń sońynda Twitter-di 44 mıllıard dollarǵa satyp alǵan edi.
Foto: AP
