Donald Tramptan mıtıngten qýylǵan musylman áıelden keshirim suraý talap etildi
ASTANA. QazAqparat - Amerıkan-ıslam qatynastary boıynsha keńes AQSh prezıdentigine úmitker Donald Tramptan onyń saılaýaldy mıtıngisinen qýylǵan narazylyq bildirýshi musylman áıelden keshirim suraýdy talap etip otyr.
Keńestiń málimdemesinde Soltústik Karolınada ótken mıtıngte Roýz Hamıdqa qatysty áreketter "amerıkandyq musylmandardy qorqytý habarlamasy» ekendigi aıtylady.
Tramptyń Rok Hıll qalasynda sóz sóıleýi kezinde 56 jastaǵy jolserik Roýz Hamıd "Salam. I come in peace" ("Sálem. Men beıbitshilikpen keldim") dep jazylǵan jeńil jeıdemen turǵan.
Ol óz ornynan kóterilgende, aınalasyndaǵy adamdar toby «Tramp! Tramp!» dep aıqaılaı bastaǵan. Budan buryn, eger kimde kim Donaldtqa kedergi keltiretin bolǵan jaǵdaıda osylaı etý kerektigi jaıly tapsyrma berilgendigi jaıly habarlanǵan edi.
Odan keıin áıelge kúzetshi jınalystan ketýi tıis ekenin aıtty. Ony Trampty qolpashtaǵan jaqtaýshylarynyń musylmandarǵa baılanysty jaqtyrmaıtyn sózderiniń astynda alyp ketti.
