Donald Tramp qupııa materıaldarǵa qatysty taǵylǵan aıypty moıyndamady

VAShINGTON. QazAqparat – Donald Tramp Maıamı federaldy sotynda ótken tarıhı otyrys barysynda qupııa materıaldardy saqtaǵany úshin kinásin moıyndamady, dep habarlaıdy QazAqparat BBC News-ke silteme jasap.

Tramp federaldy qylmystyq jaýapkershilikke tartylǵan AQSh-tyń alǵashqy prezıdenti.

Aq úıdiń burynǵy basshysy bıylǵy jyly ótken ekinshi sot otyrysynda únsiz otyrdy. Otyrys barysynda Tramptyń advokaty Todd Blansh qupııa qujattardy zańsyz saqtaǵany jáne úkimettiń olardy alýǵa baǵyttalǵan is-áreketterine kedergi keltirgeni úshin taǵylǵan 37 aıyp boıynsha qorǵalýshysynyń kinásizdigin málimdedi.

76 jastaǵy burynǵy prezıdentke sot zalynan ishki nemese halyqaralyq saparlarǵa shekteýsiz, sondaı-aq kepilsiz shyǵýǵa ruqsat etildi. Prokýrorlar sottalýshy qashýǵa beıim emes dep eseptedi. AQSh-tyń burynǵy prezıdentiniń jaqtastary Trampqa taǵylǵan aıyptardyń saıası astary baryna jáne ony basty qarsylasy uıymdastyryp otyrǵanyna senimdi.