Donald Tramp kúnine 22 ret ótirik aıtady - BAQ
NUR-SULTAN. QazAqparat - Halyqaralyq faktilerdi tekserý kúni qarsańynda CNN Donald Tramptyń aıtqandarynyń ras-ótirigine qatysty zertteý nátıjelerin jarııalady.
«Prezıdent qyzmetine kirisken 801 kúnde AQSh prezıdenti Donald Tramp 9 451 jalǵan málimet aıtty. Mundaı zertteýdi Washington Post redaktsııasy júrgizdi», - dep jazady basylym.
Maqalada atap ótilgenindeı, «Donald Tramptyń ótirik aıtatyny eshqandaı da jańalyq emes». Degenmen, basylym sońǵy alty aıda Amerıka basshysynyń aıtatyn ótiriginiń tym kóbeıip ketkenin alǵa tartyp, osyny jańalyq deýge bolatynyn jazyp otyr.
«Sońǵy 200 kúnde Donald Tramp kúnine 22 ótirik aıtqan eken. Bul prezıdenttik qyzmetke kirisken alǵashqy jylǵa qaraǵanda 5,9 ese kóp bolyp tur», - delingen aqparatta.
