Donald Tramp kortejindegi mototsıklshi apatqa ushyrady
ASTANA. QazAqparat - AQSh prezıdenti Donald Tramp Indıanapolıste sóz sóılep bolǵannan keıin áýejaıǵa kele jatqan jolda jol-kólik apaty boldy.
Jergilikti BAQ-tardyń habarlaýynsha, prezıdent kortejindegi polıtsııa qyzmetkerleriniń biri mototsıkl rýline ıe bola almaı qalǵan.
Ketip bara jatqan kortejdi kórgender joldyń oń jaq qaptalynda qulap jatqan mototsıkldi baıqaǵan.
Apatqa ushyraǵan polıtseıdiń aıaǵy synǵany jáne mıy shaıqalǵany belgili boldy. Odan ózge zardap shekkender jaıly málimetter túspegen.
