Donald Tramp dóreki sóılegen Meksıkanyń burynǵy prezıdentinen keshirim suraýdy talap etti

Mıllarder AQSh basshysy bolyp saılanǵan jaǵdaıda, Meksıkamen shekaraǵa qabyrǵa ornatady degeni sózi úshin eks-prezıdent dóreki jaýap qaıyrǵan bolatyn.

«Meksıkanyń burynǵy prezıdenti Vısente Foks qabyrǵany talqylaǵanda, «F» árpinen bastalatyn dóreki sózdi qoldandy. Ol keshirim suraýy tıis! Eger men bulaı jasasam, bári qarsylyq bildirgen bolar edi! - dep jazdy AQSh prezıdenttigine úmitker óziniń Twitter paraqshasyna.
«Men bul ... qabyrǵaǵa aqy tóleı almaımyn», - dep málimdedi jergilikti BAQ-ta Meksıkanyń burynǵy prezıdenti, bylapyt sózdi qoldana otyryp.
Budan basqa, ol Trampty «esalań» jáne «menmen» saıasatker dep sıpattady, dep habarlady RIA Novostı.
Tramp eger prezıdent bolyp saılansa, zańsyz mıgranttarǵa tosqaýyl qoıý úshin Meksıkamen shekaraǵa qabyrǵa ornatatynyn birneshe ret málimdegen. Bul rette mıllıarder qabyrǵa qurylysynyń shyǵynyn Meksıkaǵa tóletýge májbúrleı alatynyna senimdi.