Donald Tramp bir aptada 129 ret ótirik aıtqan - CNN
NUR-SULTAN. QazAqparat - Tramp ótirik aıtýdan óziniń rekordyn jańartty. Ótken aptada AQSh Prezıdenti Donald Tramp 129 jalǵan málimdeme jasady, dep jazady CNN.
Buǵan deıin The Washington Post Donald Tramptyń prezıdenttikke saılanǵannan bergi ýaqytta aıtqan jalǵan aqparattaryn sanap júrgen edi. CNN osy jyldyń shilde aıynan bastap sanaq júrgize bastady. Basylymnyń esepteýinshe, Donald Tramp ótken aptada óziniń rekordyn jańartyp, bir aptada 129 ret ótirik aıtqan.
«Ótken aptada AQSh prezıdenti Donald Tramp kúnine 18 jalǵan aqparat aıtqan. Sonyń nátıjesinde onyń artynan ergen áleýmettik konservatorlar, tilshiler men Tvıtterdegi jaqtastary da jalǵan málimetter legine enip ketken», dep jazady basylym. Avtordyń habarlaýynsha, Tramp buǵan deıin 14 aptada 90 jalǵan málimet aıtqan.
