Donald Tramp Armenııa men Ázerbaıjandy atysty toqtatý týraly kelisimge kelýlerimen quttyqtady

VAShINGTON. QazAqparat – AQSh prezıdenti Donald Tramp Armenııa men Ázerbaıjandy 26 qazannan bastap kúshine enetin atysty toqtatý rejımi týraly kelisimge qol jetkizýimen quttyqtady, dep habarlaıdy QazAqparat Tramptyń Twitter-degi resmı akkaýntyna silteme jasap.

«Armenııa premer-mınıstri Nıkol Pashınıan men Ázerbaıjan prezıdenti Ilham Álıevti búgin túnde kúshine enetin atysty toqtatý rejımin saqtaýǵa keliskenderi úshin quttyqtaımyn. Kóptegen adamnyń ómiri qutqaryldy. Kelisim jasaǵany úshin ózimniń komandamdy, atap aıtsam memlekettik hatshy Maıkl Pampeony, Stıven Bıgendi jáne Aq úı janyndaǵy Ulttyq qaýipsizdik keńesin maqtan etemin!» – delingen Tramptyń Twitter-degi habarlamasynda.

Aıta keteıik, AQSh-tyń Memlekettik departamenti AQSh, Armenııa jáne Ázerbaıjan bıligi atysty toqtatý týraly kelisimge qol jetkizgeni týraly birlesken málimdeme taratqan bolatyn. Málimdemede AQSh, Armenııa jáne Ázerbaıjan ókilderi 10 qazanda Máskeýde kelisilgen gýmanıtarlyq atysty toqtatý rejımin oryndaýǵa jáne saqtaýǵa daıyn ekendikteri rastalǵany aıtylǵan. Atysty toqtatý dúısenbi, 26 qazan, jergilikti ýaqyt boıynsha tańǵy saǵat 8-de kúshine enedi.

Avtory: Tatıana Kýdrenok