Donald Tramp Argentına men Brazılııadaǵy barlyq jeke bıznes-jobalaryn toqtatty
ASTANA. QazAqparat - Donald Tramp Argentına men Brazılııadaǵy barlyq derbes bıznes-belsendiligin resmı túrde toqtatty, dedi saılanǵan AQSh prezıdentiniń advokaty Alan Garndner.
Áńgime osy elderdegi iri jyljymaıtyn múlik nysandary - qonaqúıler men keńse ǵımarattaryn salý jobalarynyń tutas serııasy jaıynda.
AQSh-tyń 45-shi prezıdentiniń zańgeri «Tramp uıymy» áriptesterine tıisti habarlama jibergenin atap ótti. Atap aıtqanda, kompanııa bir jaqty tártipte Rıo-de-Janeıroda iri bıznes ortalyǵyn salý týraly kelissózderdi jalǵastyrýdy boljaıtyn brazılııalyq áriptestermen ózara túsinistik týraly memorandýmdy keri qaıtardy.
Advokat sondaı-aq bul qadamdar Beýnos-Aıres, Argentına, Pýna qalasy men Úndistandaǵy jobalarǵa qatysty da qabyldanǵanyn atap ótti. Ótken jylǵy jeltoqsannyń sońynda Brazılııadaǵy, Ázerbaıjandaǵy, Grýzııadaǵy «Tramp uıymyna» tıesili qonaqúıler serııasyn lıtsenzııalaý týraly sharttardyń qoldanys merzimi toqtatylatyny jaıly belgili bolǵan.
