Donald Tramp aldaǵy prezıdent saılaýyna túsýge resmı ótinish berdi

ASTANA. QazAqparat – AQSh-tyń burynǵy prezıdenti Donald Tramp 2024 jyly ótetin prezıdent saılaýyna túsýge resmı ótinish berdi. Budan keıin burynǵy prezıdenttiń ózi Florıdadaǵy rezıdentsııasynda jınalǵan jaqtastar aldynda sóz sóıledi, dep habarlaıdy QazAqparat VVS aqparat agenttigine silteme jasap.

«Amerıkanyń jańa ómiri bastalady!», - dedi Tramp kópshilik aldynda sóılegen sózinde.

Ol Aq úıde ótkizgen tórt jyldyq kezeńin maqtanyshpen sıpattady.

«Osy qysqa tórt jylda báriniń jaǵdaıy keremet boldy. Bári buryn-sońdy bolmaǵandaı gúldendi», - degen Tramp ol qyzmetten ketken kezde ekonomıkanyń koronavırýs indetinen týyndaǵan retsessııadan tez qalpyna kelgenin jetkizdi.

Foto: AP