Donald Tramp Aq úıden ketti

VAShINGTON. QazAqparat - AQSh prezıdenti Donald Tramp pen áıeli Aq úıdegi keńseni bosatty, dep habarlaıdy QazAqparat BBC-ge silteme jasap.

Kómekshiler qalǵan júkterin tikushaqqa asyǵys tıedi, olardyń arasynda sándi brend chemodandar da bar.

AQSh Áskerı-teńiz kúshteriniń tikushaǵy Aq úıdiń aýlasynyń ishinde kógalǵa qondy. Bul óte erekshe jaǵdaı. Sebebi tikushaq sońǵy ret dál osylaı 1974 jyly Rıchard Nıksondy Ýotergeıt daýynyń saldarynan qyzmetinen bosaǵan kezde osylaı alyp ketken.

Tramp Djo Baıdenniń ınaýgýratsııasyna qatyspaıtynyn málimdedi, osylaısha bir jarym ǵasyrdan astam ýaqyt jalǵasyp kele jatqan bılikti tapsyrý rásimin úzdi.

Aq úıden attanǵan Donald Tramp Merılend shtatyndaǵy Endrıýs áýe bazasyna keldi. Qazir ol jaqtastarynyń aldynda sóz sóılep, sodan keıin Florıdaǵa ushyp ketedi.